I wünsch dir alles Gueti zu dim 23. Geburtstag! I ha mo denkt, anstatt e typische Karte machi mol öpis digitals. :)
Do du da Lebesjohr viel Stress und Veränderige gha hesch, wa für di nöd so eifoch gsi isch, hani mo denkt, dass i dir öpis zum entspanne schenk.
Und zwar gib i dir zwei verschiedeni Optione, wo du dörsch uswähle. Sobald du di entschiede hesch, machemer sofort en Termin ab!
Folgendi Optione stönd dir zur Verfüegig:
I freu mi scho etze uf e spannendes Abentür mit dir! :)
E zwei Stündigi Wanderig mit, du hesches scho denkt, eme Alpaka. Do du jedes johr mindestens 10 mol erwähnsch, dass du da u gern mol mache willsch, büt i dir da Gschenk gern ah!
Die Wanderig findet im Alpstei, Hirschberg statt.
Ufem weg zum KFC in Chur am Wuchenend hani dir vor Landquart erwähnt, dass es ide nöchi e Schlucht git. Die isch mega schön und isch uf jede fall kein «Chatzesprung» entfernt.
Dlängi vo dem Rundgang isch zwüschet e Wanderig und en Spatziergang. (ca. drü Stund). Aschlüssend hetti denkt, dass mo id Tamina Therme in Bad Ragaz chöntet go. :) Wa haltisch du devo?